Erreboilua txingarretan

Erreboilorako:

• Prestatu ongarri bat oliba-olio birjina estrarekin, sagar-ozpinarekin, gatzarekin eta piperbeltz zuri ehotuarekin, eta jarri biberoi batean.
• Erreboiloari barrukiak kendu, ongailua emultsionatu eta erreboiloaren bi aldeetatik busti. Ondoren, gatzatu eta besugera batean jarri.

Goarniziorako:

• Patata errea txingarretan:
  
  
  • Aukeratu patata txikia eta akatsik gabekoa, ondo garbitu eta aluminio-paperarekin estali.
  • Txingarren artean patata erre noizean behin bira egiten.
  • Erreta dagoenean armairu beroan mantendu zerbitzura momentu arte.

• Saltsa Romesco
• Berakatz olio errea

Apaingarrirako:

• Alberjinia txipak
• Ilar-hummusa
• Tipulina

MUNTAIA:

• Prestatu parrillako txingarrak, surik ateratzen ez denean eta txingarra  zuri dagoenean, zabaldu parrillan.
• Sua biziagotu, tiroak airea emanez, eta besugera jarri, erreboiloaren tripa suari begira, parrillaren gainean, 20 cm-ko altueran. 4 minutu pasata buelta emon eta jaitsi pixka bat parrillaren altuera.
• Atera parrillatik kontuz, azala hautsi ez dadin.
• Plateratu eta olio errea gainetik bota.
• Patatari mozketa bat eman gurutze bat eginez eta jarri  erromeskoaren gainean.
• Ilar-hummusarekin quenefa bat egin eta barazki-txipak gainean jarri.
• Apaindu tipulinarekin.