Begihandi lasagna onddoz barrubetea, patata zopan eta txipiroia

Lasagna prestatzeko:

• Garbitu ondo begihaundia, ondu eta txikitu gordinik thermomixean pasta bat izan arte.
• Luzatu pasta arrabola batekin gozogintzako bi paperen artean koipeztatuak. Hutsean ontziratu paper eta guzti.
• Egosi 65ºC-tara 10 minutu. Erantsi.

Patata zopa prestatzeko:

• Garbitu txipiroia, erregosi ontzeko barazkiekin (berakatza eta kipula), gehitu patata eta busti fumetarekin.
• Egosi patata eta txipiroia bigundu arte. Behin egosita atera txipiroia eta erreserbatu barrubeta egiteko.
• Txikitu bestea thermomixean eta gehitu: esnea + esnegaina + gurina eta gatza. Jarri puntuan.

Barrubetea prestatzeko:

• Egin pisto bat.
• Gehitu pistoa konfitatutako onddoei, piñazi gorrituei eta txipiroiei, fin-fin moztuta.

Behihaundi lasagnaren muntaia:

• Moztu begihaundi laminak laukizunetan (8x4 cm).
• Muntatu lasagna molde batean: lamina + pistoa + lamina + pistoa.

Cherry tomate konfitatuak prestatzeko:

• Garbitu cherry tomateak. Egin azalean mozketa bat gurutze forman.
• Galdarraztatu, freskatu ura izotzekin eta zuritu.
• Konfitatu.
• Erreserbatu ontzi itxi batean oliba olioarekin ondua.

Tomate esferifikazioak prestatzeko:

• Garbitu egiteko tomateak eta txikitu tipuleta + apio + gatza  azukrea + tabaskoa + Perrins saltsarekin.
• Bahetu tomate zukua.
• Gehitu glukonolactato kaltzikoa eta lodigarria. Txikitu.
• Prestatu alginato bainu bat: nahastatu 5 gr algin ur hotz litroko.
• Jarri tomate esferak alginatoaren barruan (esferifikazio goilararen laguntzarekin). Utzi gelifikatzen minutu bat eta atera ur hotz garbi batetara.
• Erreserbatu koipeztatuta.

Tomatedun espagetiak prestatzeko:

• Garbitu egiteko tomateak eta txikitu gatza eta azukrearekin.
• Bahetu tomate zukua.
• Gehitu agar-agar eta iota. Nahastatu eta berotu 90 ºC-tara.
• Prestatu ura + izotza bainu bat.
• Sartu tomate nahasketa agar + iotarekin berotan, sifoiaren ahoan sartzen den tutu batean.
• Murgildu tutua ur hotzean tomatea gelifikatzeko.
• Sartu sifoiari N2O karga bat, sifoia hutsik dagoelarik.
• Jarri tutuaren ahoa sifoiaren aho irteeran. Zapaldu iturria botatzen duen aireak gelifikatutako espagetia bultzatzeko.
• Erreserbatu koipeztatutako azpil batean.

Apaintzeko:

• Alioli teila.
• Frijitu errukula orriak tenperatura baxuan.

MUNTAIA

• Jarri lasagna azpil batean eta laberatu berotu dadin.
• Atera lasagna bero eta estali behihaundi lamina batekin.
• Saltseatu platera zopa beroarekin, eta plateratu lasagna gainean. Kendu plateratzeko erabili dugun uztaia.
• Hornitu 2 cherry tomate konfitaturekin, espagetiekin, tomate esfera batekin eta alioli teila batekin,
• Apaindu frijitutako errukula orri batzuekin.