Txitxarro-lepoak ezkata moduko patatekin

Txitxarrorako:

• Txitxarroa garbitu eta solomoak  azala barik aterako ditugu. 
• Patatak zuritu eta txips modura xehetuko ditugu. Koipeztutako labako bi paperen artean ipini txipak estaliko duen txitxarroaren formarekin. lurrin ekozgailian sartu bi minutu bitartez. Plantxan  pittin bat gorritu paperak eta guzti.
• Txips patatak ezkatak izango balira bezala ipini txitxarro-azalaren ordez. Paper sulfurizatu baten gainean ipini txitxarroa labeko azpil batean, azal gora begira.

Saltsarako:

• Muxilak saltsa berdean egin saltsa askorekin. Muxilen oskolak bota eta saltsa eta muxilak aparte gorde.
• Piper pikillo batzuk berakatz-olio  baten konfitatu eta, brunoise eginda, muxilen saltsari gehitu.

Hornidurarako:

• Txahal-muturrak egosiko ditugu hondo zuri baten. 
• Muturrak epeldu, hezurgabetu eta zatitu egin. Kartutxoak egin film-paperarekin eta hoztu. cm 1/2ko xafletan moztu
• Bizkaitar saltsa bat prestatu muturren gainean ipintzeko.

Apaingarrirako:

• Aurretiaz koipeztutako kataifi-orearen hariekin habiak egin. Molde baten sartu eta labera eraman gorritu arte.
• Perrexil-hostoak frijitu  apaingarri gisa.

MUNTAIA

• Txitxarroaren solomoak labean egin 180 ºtan, bero sikuan, 7 minutu bitartez.
• Platerratzeko platera atera eta kataifi-orearen habia ipini platerreko albo baten.
• Muturraren diskoa plantxan markatu eta habiearen gainea ipini.
• Ondoren txitxarroa ipini eta saltsa eman.
• Muxilak txitxarroaren gainean ipini apaingarri gisa.
• Muturraren habiari bizkaitar saltsa eman eta perrexil hosto frijitua gainean ipini apaingarri.