Barazkiz betetako erreboiloa muxilen saltsarekin

Erreboilorako:

• Errebolioari barrukiak eta izpiak kenduko dizkiogu erditik hegaletaraino, goiko eta beheko solomoak elkarrekin mantenduz, sakela moduan. 
• Solomoekin egindako sakela barrubeteko ditugu barazkiekin. Ondu egingo dugu emaitza.
• Filmarekin babestuko ditugu solomoak eta hutsean ontziratuko ditugu.
• Ronnerean egosiko ditugu solomoak 65ºtan 15 minutu bitartez. Abatidorean hotzituko ditugu berehala.

Barrubeterako:

• Tipula, azenarioa eta porrua julianan sueztituko ditugu.
• Piper berdea zein gorria julianan moztuta salteatuko ditugu zartaginean.
• Gari-zainzuriak, julianan moztuta, galdarreztatuko ditugu.
• Onddoak konfitatu eta xehetu julianan ere. Hornidurarako parte bat brunoisean xehetuko ditugu.
• Barazki guztiak wok batean salteatuko ditugu berakatz eta soja saltsa txurrustada batekin. 

Saltsarako:

• Fumet bat  martxan jarriko dugu.
• Muxilak saltsa berdean egingo ditugu.
• Muxilen oskolak botaqko ditugu eta muxilak eta sortutako saltsa berdea gordeko ditugu.

Apaingarrirako:

• Perrexila xehetuko dugu.
• Tipulinen 5 cmko hosto batzuk eta mikrobarazkiak sailkatuko ditugu.

Hornidurarako:

• kondimentazioko barazkiekin oso xehetutako txipiroia erregosiko dugu.
• Patata-purea egingo dugu eta oliba-olio birjina estra ontzea emango diogu.
• Txipiroi-marmita izeneko hornidura egiteko nahastuko dugu patata-purea, txipiroi erregosia eta onddo xehetua.

MUNTAIA

• Ronnerean berotuko dugu erreboiloa hutsean ontziratuta, 65ºtan.
• Poltsaki asakatu eta labeko koipeztutako azpil baten laban egingo dugu 250ºtan 5 minututan.
• Txipiroi marmitaren gainean erreboiloa ipiniko dugu eta muxilak inguratzen.
• Saltsa berdea emango diogu emaitzari.
• Apaingarri gisa perrexil xehetua, tipulin hostoak eta mikrobarazkiak jarriko ditugu.