Borraja tenperatura baxuan egositako arrautzarekin eta urdaiazpiko iberikoarekin

Borraja prestatzeko:

• Garbitu borrajak ileak kenduz aizto batekin, eta garbitu zapi batekin geratu daitezken ileak kentzeko.
• Behin garbi, moztu makiltxoetan 3 edo 4 zm-takoak eta ekilore-olioan sartu oxidazioa ekiditeko.
• Egosi ingeles erara eta freskatu. "Al dente" geratu behar da.

Kontsomearentzat (haragi-salda): 

• Prestatu kontsome bat jamoiaren hezurrak eta puntekin, barazkiak eta antxoak gatzetan.
• Loditu Xantana gomarekin.

Hornidurentzat:

• Lehortu jamoi-xaflak labean 100ºC-tara 45 minutu bitartean.
• Galdarraztatu arrautza (oskol eta guzti) 65ºC-tara 25 minutu bitartean.
• Kendu zurtoinak gari-zainzuriei eta zuritu. Estali tenpurarekin eta frijitu.

Apaintzeko:

• Egin jamoi-hautsa.
• Moztu tipulina.

MUNTAIA

• Gorritu brunoisean moztutako berakatza, gehitu borraja ondo xukatua eta salteatu.
• Jarri -plater sakon baten oinarrian- kontsomea.
• Leheneratu arrautza.
• Frijitu gari-zainzuriak tenpuran.
• Aurkeztu borrajak kontsomearen gainean, uztai baten laguntzarekin.
• Jarri arrautza borrajaren gainean.
• Ondu lehortutako jamoi-xaflak eta gari-zainzuriak tenpuran.
• Hautseztatu tipulina xehetuarekin eta jamoi hautsarekin.