Barazkiekin betetako alberjinia gainerreak

Barazki-hondoa prestatu.
Alberjinein barrubetearentzako:

• Alberjineak hustu eta bere mamia brunoisean txikitu.
• Tipula eta barrengorria ere brunoisean txikitu.
• Arrautzak 10 minututan egosi ur irakiten gatzarekin. Zuritu eta zati handietan txikitu.
• Besamel bat egin.
• Tipula oliba oliotan sueztitu, ondoren, barrengorria gehitu, 2 minutu pasatu ondoren alberjinaren mamia gehitu, dena batera sukaldatu daiten, eta azkenean, arrautza gehitu.
• Barrubetea (barazkiak) besamelarekin ligatuko dugu, gatz eta piper-beltz zuri puntuan ipini.

Barazki saltsa edo krema egiteko:

• Tipula juliana eran, azenarioa eta porrua ilargi-erditan ebaki ondoren, kazola batean olioarekin erregosi.
• 45 g irin gehitu barazki ondo litro bakoitzeko, barazki hondoarekin busti, minutu batzuk utzi irakiten eta tomate saltsa gehitu kolore pixka bat emateko.
• Saltsa birrindu, txino batetik pasatu, eta zapore, kolore eta lodiera puntuan ipini.

Alberjinia betetzeko:

• Hustutako alberjinia frijitu samur geratu arte. Paper xurgatzaile gain batera atera.
• Lehen egindako barrubetearekin bete eta labako erretilu batean ipini.
• Gazta birrinduarekin hautseztatu. 

MUNTAIA

• Behin alberjinia bukatuta 180 ºC-tan laberatu gazta gainerre arte.
• Plater erdian barazki saltsa apur bat ipini eta gainean alberjin gainerrea, perrexilarekin hautseztatu gainetik.