Brandya

Brandy edo brandia ardoa destilatzearen ondorioz lortzen den pattarra da; %36 eta 40 bitarteko alkohol bolumena du merkaturatzerakoan, baina %60koa izatera ere irits daiteke. Osagarririk gehitu ezean – fruta brandia, zereal brandia, etab.- mahatsez eginiko ardotzat hartzen da.

Gutxienez 6 hilabetez zahartzen da haritzezko barriletan.

Brandya “salmenta marka” bat da, komunitate-legediak arautua; ondorioz, brandy izenarekin salgai jartzeko ezarritako eskakizunak bete behar ditu. Eskakizun horien artean, ardo-pattarrez egindakoa izatea dago. Espainiako marka geografikoen barruan dauden brandien artean Jerezko Brandya eta Penedesko Brandya daude, esaterako. Brandy edo brandwein markaren barruan Italia, Grezia, Alemania, Austria eta Frantzia ere badaude; azken horretan “Brandi frantsesa” edo “Frantziako Brandya” daukagu.