Urteko txahal masail erregosiak Pedro Ximenezetan piperradarekin eta pure patatarekin.

• Kendu masailei koipea eta tendoiak.

Elaborazio hauek beharrezkoak dira:

• Patata purea
• Piperrada
• Hondo zuria
• Brokoli ingeles erara egosia edo lurrunean.

Masailentzako: 

• Ondu gatzaz eta piperraz haragia.
• Salteatu, eta jarri erregosteko erabili behar duzun ontzian.
• Haragia salteatzeko erabili duzun ontzian, koipea kendu ondoren, sueztitu julianan moztutako berdurak (tipula, azenarioa, baratzuria eta porrua), kolorea emateko eta haragiaren zukuak berreskuratzeko.
• Gehitu lukainka-piperraren mamia, behin errehidratatu eta gero.
• Gehitu nahastura hori masailei. Berotzen direnean, busti ardo gozoarekin (Pedro Ximenez) eta utzi urritzen.
• Ondoren, gehitu ardo beltza eta utzi urritzen berriro.
• Busti hondo zuriarekin, berdurak estaliz, baina haragia estali gabe, eta utzi tapatuta kozinatzen. Behar izanez gero, gehitu hondo gehiago, kozinatzen ari den bitartean.
• Txikitu saltsa masailak samurrak direnean. Behar izanez gero, loditu arto-fekularekin.
• Moztu masailak 3 edo 4 xerratan. 

Piperradarentzako:

• Erre piper gorria eta piper berdea, zuritu, despepitatu eta moztu zerrendatan.
• Kipula sueztitu eta gehitu piper gorria eta piper berdea. Tomate saltsarekin nahastu eta gorde.

PLATERATZEA

• Berotu masailak,patata purea, brokolia  eta piperrada. Jarri plater beroan moztutako masaila, isuri saltsa gainetik eta lagundu patata purearekin, brokoliarekin  eta piperradarekin.