Cantharellus kaneloiak koko vichysoisse-arekin

Kaneloiak prestatzeko:

• Egin pasta freskoa.
• Moztu 7x7 cm-tako karratuetan.
• Egosi ingeles erara eta freskatu ura izotzekin.
• Barrubete egositako ore-olatak eta biribildu.

Barrubetea prestatzeko:

• Txikitu berakatza eta Zallako kipula morea brunoisean. Sueztitu.
• Gehitu perretxikoak garbi eta salteatu sueztitutako barazkien gainean.
• Gorritu piñaziak olio apur batekin. Gehitu perretxikoen salteatuari.
• Atera sutatik eta gehitu gazta dado txikitan moztuta.

Koko vichysoisse-a prestatzeko:

• Sueztitu porrua gurinarekin.
• Gehitu patata zatikatua.
• Busti hondo zuriarekin eta koko esnearekin. Egosi.
• Txikitu saltsa eta bahetu.
• Egosi saltsa, gehitu gurina eta emuiltsionatu.

Hornigaientzat:

• Zuritu patatak.
• Moztu patata tutuetan.
• Xaflatu patata tutuak xerra finetan (mandolina edo haragia mozteko makinarekin).
• Igaro patata xaflak gurin gardendutik, jarri gozogintzako paper artean eta laberatu ordu bete 110ºC-tara xerrak kurruskariak izan arte. 

Apaintzeko:

• Egin oliba beltzen hautsa.

MUNTAIA

• Berotu kaneloiak labean, aluminio paperarekin estalita.
• Jarri saltsa (koko vichysoisse) beroa plateraren oinarrian.
• Ipini kaneloiak saltsaren gainean.
• Apaindu kaneloiak oliba beltzen hautsarekin.
• Ondu patata chips-ekin (kaneloien ondoan eta oliba beltzen hautsarekin).