Usokume entsalada epela arto emultsioiarekin

Usakumerako: 

Hezurgabetu usakumea, elaborazio honetarako paparrak lortuz eta gorde gainerakoa beste elaborazio batzuetarako.

Arto emultsiorako:

• Birrindu artoa thermomixean, abiadura handian, oso krema fina lortu arte.
• Pasatu arto-krema metalezko sare iragazki fin batetik.
• Jarri berriro krema thermomixean, oraingoan 50 ºC-tan erdiko abiaduran eta gehitu gurina puskatan pixkanaka, kremak hartu eta emultsionatu arte.
• Mantendu emultsioa 5 minutuz thermomixean eta zuzendu lodiera hondo zuriarekin.
• Jarri gatz puntuan eta eduki epel.

Entsalada epelerako:

• Barazkiak torneatu eta ingeles erara egosi, bakoitza bere aldetik, freskatuz eta xukatuz. Bastoitxoetan edo erronboetan ere ebaki daitezke.
• Entsalada bouqueta higienizatu.
• Ozpin-olio frantsesa muntatu.

MUNTAIA

• Prestatu paparrak onduta eta koipeztuta zartagin bero batean, eta utzi puntu arrosan.
• Utzi plater batean pausatzen aluminiozko papera estalita.
• Salteatu barazkiak oliba-oliotan xehe-xehe egindako baratxuriarekin, ondu eta erreserbatu.
• Zabaldu platerean arto-emultsioa, gainean barazkitxo salteatuak eta albo batean entsalada-bouqueta, ozpin-olioarekin ondua.
• Azkenik, xerratu bularkiak eta jarri abanikoan barazkien gainean.
• Hautseztatu tipulin xehatuaz.