Frijituen aukera

Arkume txuletak eta villaroy jamoi egosia prestatzeko:

• Kuzinatu gatzondutako txuletak plantxan eta koipeztatu.
• Moztu egositako jamoia xerra lodietan eta gero triangeluetan.
• Egin villaroy-entzat besamela eta estali txuletak eta jamoi triangeluak besamel beroarekin. Kamaran gorde filmatuta.
• Birrineztatu eta erreserbatu.

Garunak eta hazikontxoak prestatzeko:

• Banatu garunak eta hazikontxoak ur hotzean beratzen banatuta, odola kendu arte.
• Kendu garunaren azala eta hazikotxoena ere.
• Galdarreztatu 2 minutuz. Azido bat gehitzea gomendagarrua da (limoi edo ozpin zukua) odolestatzeko, eta zuriak geratzeko.
• Utzi hozten egozketako uretan barneratuta.
• Xerratu garunak, ondu eta arrautzaztatu.
• Zatikatu hazikontxoak, ondu eta birrineztatu probentzal batekin (ogibirrindua + berakatza ea perexil brunoisean).

Mingaina prestatzeko:

• Egosi mingaina hotzetik hasita presio-eltze batean 40 minutuz. Utzi epeltzen uretan barneratuta.
• Zuritu mingaina epel dagoela eta erantsi.
• Moztu xerratan eta erreserbatu.

Barrabilak prestatzeko:

• Kendu barrabilen azala, eta moztu 1 cm-tako xerratan.
• Ondu eta birrineztatu probentzal batekin. Erreserbatu.

Kroketak prestatzeko:

• Egin krokretentzako besamela.
• Gehitu besamelari jamoi egositik ataratako ebakinak, arrautza egosia brunoisean azken unean. Jarri gatz puntuan eta gorde filmatuta kamaran,

MUNTAIA

• Frijitu: arkume txuletak, jamoi triangeluak, kroketak, mingaina, hazikontxoak, barrabilak eta garunak, banatuta.
• Plateratu blonda batekin frijitutako osagaiak.