Sekretu iberikoa eta garagardo beltza

Sekreturako:

• Garbitu gantza gehiegi eta punta lehorrak dituen pieza. Gorde azken hau.
• Moztu pieza hiru anoatan. Gorde.

Garagardo beltzaren saltsarako:

• Hondo ilun bat egin.
• Moztu baratxuri hortz zurituak eta kozinatu oliba-olio leunarekin. Baratxuriak kendu eta erreserbatu.
• Olio horretan ilargi erdian moztutako porruaren zuria moztu. Baratxuriekin porrua gorde.
• Pasa olioa lapiko batera eta txigortu haragiaren punta lehorrak. Hondo ilunarekin busti eta erdira murriztu.
• Sartu hondoa, gehitu porrua eta baratxuria eta egosi. Pasa termomixetik eta lotu arto-fekula pixka batekin.
• Gehitu garagardo beltza eta irakin pixka bat.
• Gatza eta lodiera zuzendu.

Hornidurarako:

• Zuritu eta moztu yuka eta egosi uretan gatzarekin 25 minutuz. Xukatu eta pasapuresetik pasa.
• Irineztatutako bolak egin, barruan mozarela, arto-irinarekin. Erreserbatu.
• 1,5 cm-ko sekzioa eta 4 cm-ko luzera duten ananazko bastoiak egin. Erreserbatu.

Dekoraziorako (aukerakoa da):

• Anana glaseatua.
• Anana-xerra epeldu, baratxuri beltz zurituarekin flan-molde txiki baten barruan jarri, eta giro-tenperaturan hozten utzi.
• Erregaliz saltsa : Txalota-laminatua sartu Porton. Erdira murriztu. Hondo iluna jarri eta berriro erdira jaisten utzi.  Azkenik, erregaliz sustraia bota eta pixka bat egosten utzi. Agar-agar gehitu, emaitza iragazi eta biberoian sartu apaintzeko.

MUNTAIA

• Erre sekretua parrilan.
• Jarri garagardo beltzaren saltsa malko bat platerean.
• Sekretu eskalopatua gainean jarri.
• Yuca eta parmesano bolak frijitu eta paper xurgatzailean xukatu.
• Salteatu anana-bastoiak.
• Jarri yuka eta anana nahastuta eta altueran, sekretuaren ondoan.
• Apaindu platera ananazko eta baratxuri beltzezko saskitxoarekin eta erregaliz-saltsazko hari batzuekin.