Ramen sopa

• Hegazti hondo illun bat eta Dashi zalda prestatu, hegazti hondoa gardendu egin daiteke nahi izanez gero. Soparen oinarria, salda bi hauek dira eta 3 atal hegazti eta atal 1 Dashi neurrian nahasten dira.
• Oliba olio apur bat berotu kazola baten eta jengibrea eta baratxuria berotu apur bat eta bertatik kendu. Salda biak gehitu eta berotu 85 ºC tara irakin gabe. Azukrea, gatza, sakea eta soia saltsa gehitu sopari, zaporez eta gatzez puntuan ipini.
• Ramen fideoak ur irakitan egosi, hotzitu eta apur bat olioztatu ondoren gorde.
• Sopa katillutan banatu eta bertan fideoak, tipuleta, soia broteak, Nibuta eta Ajitsuke Tamagoa jarri. Nori alga tira batekin atondu.

 
Ajitsuke Tamago egiteko:

• Arraultzak bor-bor lehunean 5 minutuz irakin. Bein denbora pasata ur hotzetan sartu egosketa gelditzeko. Kontu haundiz zuritu apurtu ez daitezen. Kazola batetan ur apur batekin soia saltsa, sakea, mirina, azukrea, baratxuria eta jengibrea irakin 10 bat minutuz. Epeldu.
• Arraultzak saltsan sart gutxienik 4 bat orduz beratu daitezen. Hau hotzgailuan egin behar da.
• Anoako arraultz erdi ipinten da.

 Nibuta egiteko:

• Sartagin haundi batetan hirugiarra alde guztietatik ondo gorritu.
• Kazola baten sakea, soia saltsa eta azukrea irakin, hotzitzen utzi.
• Egosketak jasateko gai den poltsa baten sartu txerri okela, soia, sake eta azukre erredukzioa, jengibrea eta tipuleta. Gehiengo hutsean ontziratu (60 segundu) eta labe mixtoan egosi 100%eko hezetasunagaz 70 ºC tara 18 hordu bitartean.
• Hotzitu abatidore batetan edo poltsa ur izoztuan sartuta 8 ºC azpitik ordu bi baino lehen.
• Erabiltzeko momentuan, 5 milímetroko sendoerako xerretan moztu eta 5 x 5 zentimetro inguruko laukietan moztu.
• Sopan bertan edo hegazti ondo apur baten berotzen dugu irakin gabe. Helburua txerriki xerrak 65º tara heltzea da.