Oilaskoa marengo erara

Errezeta hau egiteko hurrengo elaborazioak beharrezkoak dira:

• Moztu oilaskoa laurdenetan, eta laurden bakoitza hiru zatitan.
• Xehatu brunoisean tipula eta baratxuria eta sueztitu.
• Barrengorriak laurdenetan edo xerratan moztu eta salteatu edo erregosi.
• Prestatu hondo-iluna eta tomate saltsa.
• Salteatu aurretik irineztatutako oilaskoa.
• Sueztitutako eta koipea kendutako barazkien gainean; gehitu irin pixka bat eta salteatutako oilaskoa; bota ardo beltza, tomate saltsa eta hondoa justu-justu estali arte, eta utzi estalkirik gabe egosten. Behin oilaskoa eginda baieztatu hezurra haragitik bereizten dela,gatza nahikorik duela, loditasun egokia eta koipe gehiegizkorik ez duela.
• Amaitu barrengorriak gehitzen.
• Lagundu oilaskoa  espagetiekin.

Oharra: kontuz ibili oilaskoa apur ez dadin, samurra dagoenean erraz puskatzen baita.