Orein burgerra patata texturekin

Oreinaren zukua egiteko (saltsa):

• Oreinari gantzak, tendoiak,... kendu, hezurrak eta haragi puntak erreserbatuz.
• Marmita batean, soberan gelditu zaizkigun haragi puntak eta hezurrak oliba oliotan salteatu.
• Barazkiak gehitu, guztia ondo sueztitu eta hondo zuriarekin busti. Bouquet garni-a gehitu eta egosten utzi, gutxienez ordu bat eta erdi.
• Iragazi, murrizten utzi, gatz-puntuan ipini eta xantana-gomaz loditu.

Patata-fluidoa egiteko:

• Patatak osorik egosi, zuritu eta thermomixean sartu.
• Hondoa, olioa eta gazta gehitu; ongi xehetu guztia.
• Nahasketa sauté batean bota, berotu eta aurretiaz ur hotzetan hidratatutako arrain-isatsak erantsi.
• Guztia ondo nahastu, film-paperaz estalitako molde batean ipini eta eraiskailuan sartu, izoztu arte.
• Atera eta forma borobilean moztu (pastillak) hanburgesaren forma baino txikiagoa emanez.

Hanburgesarentzako:

• Olibak hezurgabetu. Orein okelari gantza kendu, tendoiak kendu, zati txikitan moztu eta haragi pikatzailean txikitu urdaia eta antxoekin batera. 
• Haragi xehetuari gehitu arrautzaren zuringoa, ogi birrindua, ziapea eta soja-saltsa. Ondo nahastu.
• Uztai batean hanburgesaren oinarria egin haragi xehetuaz.
• Patata-fluido izoztutako pastilla bat ipini gainean eta haragi xehetuaren nahasketa berarekin estali, ertzak ongi itxiz, patata-fluidoa kozinatzerakoan atera ez dadin. Hozgailuan gorde egin arte.

Patata purearentzako:

• Patatak osorik egosi, zuritu, hagazka batekin birrindu, gurina, gatza eta piperbeltz zuria gehitu.

Chip patatarentzako:

Belar-finen kurruskariarentzako.

• Thermomixean birrindutako moldeko ogia, Idiazabal gazta, gurina, baratxuri birrindua, ezkaia, oreganoa, gatza eta piperbeltz zuriarekin nahastu, ore bat lortu arte.
• Labeko bi paperen artean zabaldu, 2mm inguruko lodieraz eta izoztu.

Rukula-pestoa

• Thermomixean rukula, pinazi txigortuak, baratxuri ale bat eta ur pixkat birrindu, ore homogeneo eta emoltsionatua lortu arte.
• Oliba olioa gehitu eta emultsionatu etengabe.
• Gazta birrindua gehitu eta homogeneizatu.
• Gatz puntuan jarri eta biberoi batera bete.

Apaingarrirako:

• Rucula eta kimu batzuk sailkatu. 
• Ura eta izotzan sartu hostoak minutu batzuk.
• Atera eta ondo lehortu.

MUNTAIA

• Bi aldetatik gorritu hanburgesa zartagin batean olio pittin batekin.
• Belar-finen kurruxkariaren diskoa ipini hanburguesaren gainean.
• Labean amaitu hanburgesaren egosketa 180 ºC-tan.
• Salamandran hanburgesa gainerre belar-finen kurruskaria gorritzeko.
• Plateran saltsa malko bat egin. Rucula-pesto biberoiarekin puntu batzuk egin plateran.
• Hanburgesa saltsaren gainean ipini eta horren gainean patata purea.
• Patata purearen gainean txip batzuk iltzatuta eta tartean rucula hosto batzuk.
• Platera apaindu rucula eta kimu batzuekin.