Itsasapo eta itsas-fruituen entsalada

Zapoa egiteko:

• Garbitu zapoa eta atera xerrak. Egin 250 g-ko zatiak gutxi gorabeherea.
• Bildu zapoa sukaldeko film batean, gatzez eta piperbeltz zuriaz onduta. Ondo estututako zilindroak egin.
• Zilindroak uretan egosi, bor-bor motelean, 10–12 minutu eta, ondoren, ur eta izotzetan freskatu.
• Platerean ateratzeko orduan egin 0,5 cm-ko zapo-medailoiak, anoako 6 unitate.

Otarrainxkak egiteko:

• Egosi otarrainxkak ingeles erara (ur gazitan irakiten), anoako 3 unitate. Buztana kendu gabe otarrainxkak zuritu eta ozpin-olio leun batean gorde.

Txirlak egiteko:

• Txirlak ondo garbitzeko, sartu bi ordu uretan gatz larriarekin.
• Garbitu izan dezaketen gatz soberakina kentzeko, eta ondoren hozkailuan sartu. Txirlak ez irekitzeko elkarren artean ondo estutu.
• Zerbitzatzeko txirlak lurrunetan ireki, eta ondoren platereratu, hiru unitate anoako.

Saltsak egiteko:

• Egin saltsa arrosa.
• Prestatu oinarrizko ozpin-olioa.
• Uraza higienizatu buketa egin eta azpian ipintzeko. Urazak julianan ebaki.

PLATERERATZEA

• Jarri plateraren albo batean barazki-buketa jarri, eta bestean uraza eta txikoria.
• Ondu uraza eta txikoria ozpin-olioarekin, jarri gainean zapo-medailoiak, eta horien ondoan otarrainxkak eta txirlak.
• Gaineratu zapoari saltsa arrosa eta apaindu izokin-arraba eta xehatutako perrexilez.
• Ondu barazki-buketa eta txirlak ozpin-olioarekin.