Urteko txahal masail erregosiak Pedro Ximenezetan patatekin, alberjiniarekin, piper gorriarekin eta tipulina glasatuarekin

• Egin hondo zuria.
• Kendu masailei tendoiak eta gantza.
• Gatzaz eta piperraz ondu eta salteatu.
• Jarri masailak beste ontzi batean erregosteko.
• Sueztitu brunoisen moztutako barazkiak okela salteatu duzun ontzian. Honela kolorea emango diegu eta okelaren zukuak berreskuratuko ditugu.
• Gehitu rehidratatutako  piper txorizeroaren mamia  eta bota masailen gainetik.
• Busti ardo gozoarekin (Pedro Ximenez) eta utzi urritzen, ondoren, gehitu ardo beltza eta urritu berriro. 
• Buzti hondo zuriarekin barazkiak estaliz, baina okela estali gabe, eta utzi kuzinatzen ontzia estalirik. Egiten den bitartean gehitu hondo zuri gehiago beharrezkoa bada.
• Okela bigun bigun dagoenenan birrindu saltsa beharrezkoa bada.
• Moztu masailak xerretan edo laukitan.
• Garnizioko barazkietarako:
  • Gorritu zuritutako tipulinak sartagin batean edo labean. Jarri plaka batean urarekin, azukrearekin eta olio apur batekin eta utzi egiten labean edo sutan. Bigun daudenean utzi gorritzen eta gorde.
  • Gorritu alberjinia xerrak plantxan oilo apur batekin eta amaitu prestakina labean .
  • Erre koipeztutako pipermorroak labean tenperatura altuan. Labetik ateratzean estali itzazu 10 minutuz eta ondoren zuritu, pipitak kendu eta moztu tiratan.
  • Frijitu makilatan moztutako patatak.

PRESTATZEA

• Berotu masailak, saltsa jarri eta lagundu barazkiekin eta espainar erara frijitutako patatekin.