Labelburger-a texturetan eginiko patatarekin

Zangarraren zukua egiteko (saltsa):

• Zangarra gantzaz zuritu, tendoiak kendu eta haragizko puntak eta soberak erreserbatu.
• Marmita bero batean, soberan gelditu zaizkigun haragiaren puntak oliba olioarekin salteatu.
• Barazkiak gehitu, guztia ondo sueztitu eta hondo zuriarekin busti. Bouquet garni-a gehitu eta egosten utzi, gutxienez ordu bat eta erdi.
• Iragazi, hurritzen utzi, gatz-puntuan ipini eta xantana-gomaz loditu.

Patata-fluidoa egiteko:

• Patatan osorik egosi, zuritu eta thermomixean sartu.
• Hondoa, olioa eta gazta gehitu; ongi xehetu guztia.
• Nahasketa sauté batean bota, berotu eta aurretiaz ur hotzetan hidratatutako arrain-isatsak erantsi.
• Guztia ondo nahastu, film-paperaz estalitako molde batean ipini eta eraiskailuan sartu, izoztu arte.
• Atera eta forma borobilean moztu (pastillak) hanburguesaren forma baino txikiagoa emanez.

Hanburgesarentzako:

• Olibak hezurgabetu. Zangarrari gantza kendu, tendoiak kendu, zati txikitan moztu eta haragi pikatzailean txikitu urdaia eta antxoekin batera; 
• Haragi xehetuari gehitu arrautzaren zuringoa, ogi birrindua, ziapea eta soja-saltsa. Ondo nahastu.
• Aro batean hanburgesaren oinarria egin haragi xehetuarekin.
• Patata-fluido izoztutako pastilla bat ipini gainean eta haragi xehetuaren nahasketa berarekin estali, ertzak ongi itxiz, patata-fluidoa kozinatzerakoan atera ez dadin. Hozgailuan gorde egin arte.

Patata purearentzako:

• Patatak osorik egosi, zuritu, hagazka batekin birrindu, gurina, gatza eta piperrauts zuria gehitu.

Chip patatentzako:

• Patata xafla oso finetan moztu zakote-ebakitzailean; olio berotan frijitu, paper-xukatzailera atera eta gatz-puntuan ipini.

Belar-finen kurruskariarentzako.

• Thermomixean birrindutako moldeko ogia, Idiazabal gazta, gurina, baratxuri birrindua, ezkaia, oreganoa, gatza eta piperrauts zuriarekin nahastu, ore bat lortu arte.
• Labeko bi paperen artean zabaldu, 2mm inguruko lodieraz eta izoztu.

Rukula-pestoa

• Thermomixean rukula, pinazi txigortuak, baratxuri ale bat eta ur pixkat birrindu, ore homogeneo eta emoltsionatu bat lortu arte.
• Oliba olioa gehitu eta emultsionatu  etengabe.
• Gazta birrindua gehitu eta homogeneizatu.
• Gatz puntuan ipini eta biberoi batera eraman.

Apaingarrirako:

• Rucula eta hazi batzuk sailkatu. 
• Ura eta izotzan sartu hostoak minutu batzuk.
• Atera eta ondo lehortu.

MUNTAIA

• Bi aldetatik gorritu hamburguesa zartagin baten olio pittin batekin.
• Belar-finen kurruxkariaren diskoa ipini hamburguesasren gainean.
• Labean amaitu hamburguesaren egosketa 180 ºC-tan.
• Salamandran hamburguesa gainerre.
• Platerrean saltsarekin malko bat egin. Rucula-pesto biberoiarekin puntu batzuk ipini platerrean.
• Hamburguesa saltsaren gainean ipini eta horren gainean patata purea.
• Patata purearen gainean txip batzuk iltzatuta et tartean rucula hosto batzuk.
• Platerra apaindu rucula eta hazi batzuekin.