Legatza perretxikoz betea piperradarekin

• Legatza osorik hezurgabetu eta azala kendu.
• Julianan mozturiko orellana perretxikoak salteatu oso osorik kozinatuaz eta gatz puntuan ipini.
• Legatz solomo bakoitzari luzetara mozketa bat egin barrubetea hobeto sartu dadin, gatz eta piperhauts zuriarekin puntuan ipini.
• Solomoetariko bat film plastiko zati baten gainean ipini eta perretxikoekin barrubete. Beste solomoa gainean ipini baina atzekoz aurre.
• Eskuekin estutu eta filmaren laguntzaz rulo edo tortxoi bat egin. Legatza poltsa haundi baten sartu eta 60 segunduko hutsunea eman, hau da gehienezko hutsunea.
• Ruloa 70 ºC tara 45 minutuz egosi labe mixto batetan 100%ko hezetasunagaz. Egosi eta gero 8 ºC azpitik hotzitu ordu 2 baino aurretik. Hotzgailuan gorde 0 ºC eta 3 ºC bitartean.
• Piperrada bat egin eta lehen bait lehen hotzitu. 0 ºC eta 3 ºC bitartean gorde.

BIRBEROTZEKO

• Hotz dagoela, legatza poltsatik atera eta 4 zm ko xaflatan moztu ondo zorroztutako aizto fin batekin.
• Birberotzen da platerean edo plaka baten,  lebatz xaflak piperrada hotzaren gainean ipinita.
• Labe mixtoan 170 ºCtan 70% hezetasunagaz 15 bat minutuz birberotu. Beti bezala barne temperatura 65ºtara igo behar da.
• Bein berotuta eta gero Holandar saltsarekin estali eta salamandrarekin edo sopletearekin gainerre.
• Nahi izanez gero piperhautsarekin edo mikro broteekin atondu