Lumagorri paparra wasabi ziape aparra eta gomasio gorriarekin

Paparrarentzako:

• Oilaskoaren paparrak atera.
• Gatza, piperbeltz zuri, oliba olio birjina, ezkai erramutxo eta wasabi ziape mikrokimuekin ondu.
• Hutsean ontziratu.
• 65 ºC-tan egosi 45 minutuz.
• Plateratu baino arinago plantxan markatu.

Wasabi ziape aparrarentzako:

• Arrautza egosi tenperatura baxuan, 65 ºC-tan 22 minutuz.
• Hegazti ondo zaporetsu bat egin.
• Irabiatzeko edalontzi batean jarri ondoko osagaiak: arrautza, 100 ml oilasko ondoa, 100 ml ekilore olioa, 2 g xantana, 10 g wasabi ziape mikrokimuak, tabasko tanta batzuk eta 35g parmesano gazta xehatua.
• Irabiatu emultsio egonkorra lortu arte.
• Sifoian sartu, itxi eta NO₂ karga batekin bete.

Orburuentzako:

• Ura, laranja azala, zilantro, piperbeltz-aleak, ereinotza, gatza eta oliba olioaz egosteko salda bat prestatu.
• Orburuen kanpoko azalak kendu beldur barik eta enborra torneatu orburuaren bihotza kendu barik.
• Prestatutako saldan egosi.
• Iragazi eta errefreskatu.
• Salda hoztu.
• Orburuak zuritu eta loraren goikaldea moztu bihotza enborrarekin utziz.
• Orburuak saldan mantendu.

Gomasio gorrirako:

• Hurra gorritua, gatza, piperauts gozua eta gurina birrindu, hautsa lortu arte. 

Dekoratzeko:

• Oxali loratxo eta mikrokimuak aukeratu.

Muntaia eta zerbitzua:

• Paparra plantxan gorritu . 
• Paparra xerretan ebaki.
• Orburuak erdibitu eta plantxan gorritu.
• Wasabi ziape apar puntu batzuk  jarri.
• Aparraren gainean papar xerrak jarri.
• Papar xerren gainean gomasio pilotatxo bana jarri .
• Orburu gorrituekin hornitu.
• Mikrokimuekin eta lorekin dekoratu.