Mihia saltsan

• Egin azkar egiteko saltsa espainiarra.
• Zuritu tipula, baratxuria, azenarioa, eta garbitu porru-hosto berdeak.
• Azenarioa ilargi-erdi finetan. Piper berdea eraztunetan.
• Tipula julianan txikitua.
• Mihia egosteko. Jarri mihiak eta gozatzeko berdurak ontzi egoki batean, estali urarekin edo saltsa-hondo zuriarekin, ondu, eta utzi irakiten bigundu arte, (bigundu diren jakiteko, erabili broxeta).
• Atera mihiak, zuritu bero daudela, eta utzi hozten egosketako saldan bertan. Hau guztia bezperan egitea komeni da.
• Pasatu arrautza-irinetan mihia eta frijitu (arrautza gogortu arte bakarrik), eta jarri ondo zabalduta paper xurgatzailearen gainean.
• Jarri aldez aurretik egosi, arrautza-irinetan pasatu eta frijitutako mihi-xerrak plaka batean, bata bestearen gainean muntatuta.
• Garnizioak egin:
  • Pipermorroa dadotan eta sueztitu.
  • Egosi ilarrak ingeles erara. 
  • Patata dadotan eta frijitu. 

MUNTAIA

• Gehitu mihiaren gainean ilar egosiak eta pipermorroak.
• Bota gainetik azkar egiteko saltsa espainiarra, eta jarri irakiten 5 minutu, sutan edo labean. Atera, eta bota gainetik patatak.
• Plateratu mihia gainetik saltseatuz. Hornigaiak gainetik banatuta ere bai.