Untxi gisatua barazkiekin

Errezeta honetarako, honako elaborazio hauek egin behar dira:

• Barazkiak jardinera erara
• Tomate saltsa
• Haragiaren zaporea indartuko duen hondo ilun bat egitea.
• Untxi-ragouta:
  • Untxien izterrak erdibitu.
  • Hornigaitarako barazkiak (tipula, baratxuria eta porrua) brunoisean txikitzea.
  • Untxia pixka bat zipriztindu, irineztatu, eta salteatu.
  • Koipegabetu untxia salteatu dugun ontzia.
  • Ontzi horretan bertan, gehitu hornigaitarako barazkiak eta sueztitu.
  • Gaineratu untxi salteatua belar usaintsuekin batera, eta ureztatu ardo beltzarekin.
  • Utzi murrizten, hautseztatu irina (20 g/l) eta busti hondoarekin haragia estali arte.
  • Gehitu tomate-saltsa.
  • Utzi janaria prestatzen, haragia samur egon arte, eta hornigaitarako barazkiak desegin arte.
  • Jarri gatz-puntuan.
  • 3 untxi zati banatu ontzi bakoitzean 200 gramo bete arte anoa bakoitzeko. Saltseatu 150 g saltsarekin eta, gainean, jarri 50 g goarnizio, 400 g/anoa bete arte ontzi bakoitzean.
  • Abatirra (bihotzeko tenperatura 10 ºC baino gutxiagora, bi ordu baino gutxiagoan).

PASTEURIZAZIOA

• Ontziak termosellatu, eta balbula balvopackarekin jarri.
• Sartu lurrun-labean % 100eko hezetasuna eta pasteurizatu 96 ºC-tan 60 minutuz.
• Abatirra (bihotzeko tenperatura 10 ºC baino gutxiagora, bi ordu baino gutxiagoan).
• Hotz-ganberan 0 ºC eta 4 ºC artean kontserbatzea.

BEROTZEA

• Ontzi berean, birsortu lurrun-labean % 100eko hezetasuna.
• Edo mikrouhin-labean, 3 minutuz potentzia handienean.
• Birsortzeko beste modu bat produktua ontzitik ateratzea eta lapiko batean sutan berotzea da.