Behi-azpizuna plantxan onddoen saltsarekin

Azpizunarako

• Behi-azpizuna gantzaz garbirtu. 140 g-ko anoak egin.
• Zerbitzurako gorde anoak.

Onddoen saltsarako

• Hondo zuri bat martxan jarri.
• Onddoak konfitatu. Behin konfitatuta  onddo politenak utzi hornidurarako.
• Bitartean, tipula xehetua sueztitu.
• Onddoak xukatu, gehitu tipulari eta bustitu hondo zuri puxka batekin.
• Hori egosi, birrindu eta esnegaina puxka bat gehitu. Txinotik pasa.
• Gatz puntuan jarri eta zerbitzurako gorde.

Hornidurarako

• Patata-pure bat egin esnea eta gurina aberasten.
• Gorde ditugun onddo politenak xaflatu eta berakatz-olio puxka batekin salteatu zerbitzurako.
• Kataifi pastaren habiak egin. Horretarako kataifi matazaren hari batzuk atera, koipeztu eta madalenak egiteko silikona baten habiak jarri. Hura labera eraman eta erre 180 ºC-tan 10 minutu bitartez. Moldetik atera eta zerbitzurako gorde habiak.

Apaingarrietarako

• Orburuen chips-ak xehetu, irinarekin babestu eta su motelean frijitu.
• Kataifi pastaren habi txikiak egin. 
• Perrexila xehetu fin-fin.

MUNTAIA

• Plantxan erre azpizuna.
• Hornidurarako onddoak berotu labean pittin baten.
• Patata-purearen malko bat ipini platerrean eta horren alboan azpizuna.
• Onddoen saltsarekin napatu azpizunaren parte bat
• Habian orburuen chips-ak ipini eta platerratu.
• Onddoen xaflak ipini alboan eta patata-pureari trufa birrindu.