Lumagorri, wasabi ziapearen aparra eta gomasio gorria

Paparrerako:

• Oilaskoaren paparrak atera.
• Ondu gatz, piperbeltza, oliba-olio birjina, ezkai adar batekin eta wasabi ziape-mikrokimu batzuekin.
• Hutsean ontziratu.
• Egosi 65 ºC-tan 45 minutuz, gutxi gorabehera.
• Gorde plantxan markatzeko, plakaren aurretik.

Wasabi ziape aparrarentzat:

• Arrautza bat tenperatura baxuan eskalfatu 65 ºC-tan 22 minutuz.
• Hegazti hondo zaporetsu bat egin.
• Jarri irabiagailu baso batean arrautza eskalfatua, 100 ml hegazti hondo epela, 100 ml ekilore-olioa, 2 g xantana, 10 g wasabi ziape-mikrokimuak, tabasko tanta batzuk eta 35 g parmesano birrindua.
• Irabiatu emultsio egonkorra lortu arte.
• Sifoian sartu.

Gomasio gorrirako:

• Hurra txigortua birrindu, gatz, piperrauts eta gurinarekin batera, hauts bihurtu arte.

Apaintzeko:

• Hautatu oxali-loreak, wasabi ziape mikrokimuak eta/edo ilar-mikrokimuak.
• Orburuaren txipak egin.

MUNTAKETA

• Paparra plantxara gorritu .
• Xafletan ebaki.
• Wasabi ziape apar puntu bat zizelkatu.
• Aparraren gainean papar xafla bi jarri.
• Jarri gomasio bola bana papar xaflen gainean.
• Orburu gorrituarekin apaindu baita mikrokimu eta loreekin ere.