Indioilar-izter txingarreztatuak.

AURREELABORAZIOAK

• Zatitu baratxuria xerratan, tipula paisana erara, azenarioa ilargi-erdi finetan, udare-tomatea laurdenetan eta piper berdea eraztun finetan, hauek txingarreztatuaren ongarritarako barazkiak egiteko izango dira.
• Kendu izterretako luma-muturrak, lumak, etab. Garreztatu eta moztu hezurraren muturra.

ELABORAZIOA

• Egin hegazti hondoa. 
• Sueztitu indioilarraren hornigaitarako barazkiak.
• Salteatu barrengorriak.
• Bota gatza eta piperbeltza izterrei, eta gorritu labe oso beroan, kanpotik gorrituta daudenean sueztitutako barazkiak jarri izterren gainean, gehitu ardo zuria eta egazti hondoa, estaltzera iritsi arte. Eman buelta izterrei, labearen tenperatura jaitsi eta utzi egosten guztiz egin arte, (haragiak hezurretik banandu egin behar du).
• Atera izterrak eta barrengorriak gainetik bota.
• Txingarreztatuaren saltsa egiteko plaketan gelditzen dena iragazi, txino batekin barazkiak bananduz eta marmita erdi batean ipini. Barazkien gainetik irina bota (40 g/l), utzi sutan kozinatzen eta koipea kendutako zukua eta hegazti hondoa bota beharrezko kantitatera iritsi arte, irakiten utzi, xehetu, txinotik pasa eta puntuan jarri.
• Bota saltsa indioilarrari eta berotu dena elkarrekin.

ZERBITZUA

• Plateratu plater lau batean, gainetik saltseatuta.