Baratxuri zuria mango-gnocchiekin eta txangurruarekin

Baratxuri zuriarentzat:

• Jarri bezperatik arbendolak uretan beratzen, eta sartu hozkailuan.
• Kendu kimua baratxuriari eta birrindu ogi-apurrarekin eta arbendol xukatuekin batera, eta beratzen edukitako ura gorde gerorako.
• Hori egin ondoren, bota jerez-ozpina zurrusta fin-fina eta oliba-olioa, emultsiona dadin.
• Erantsi beratzen eduki eta gero izoztutako ura, irabiatzeari utzi gabe.
• Jarri puntuan, eta gorde hozkailuan.

Txangurruarentzat:

• Txangurrua hilda badago, ingeles erara egosi, Irakinaldia berriz hasten denean, kilogramo bakoitzeko hamabost bat minutu irakiten utzi.
• Egosi ondoren, ur hotzetan eta izotzekin freskatu.
• Bizirik badago, ur epeletan egosi, edo bestela, hil egosi baino lehen, ahoan ozpina botaz.
• Bi kasuetan, hankak kendu ondoren izan ditzakeen zuloak, ogi-mamiarekin estaltzea gomendatzen da.
• Behin freskatuta, ireki haragia eta hezurrak bereiziz, eta saiatu hankak osorik ateratzen.

Mango-gnocchientzat:

• Zuritu mangoak, birrindu eta bahetu mamia.
• Disolbatu kuzu-a txakolinetan eta hori erantsi kilo erdi bat mango-mamiari.
• Aurreko nahastura su txikian irakinarazi, gomazko espatula batekin irabiatuz eta eragiteari utzi gabe, 10-15 minutu, gutxi gorabehera.
• Nahastura prest egongo da kazoaren paretetatik banatzen denean.
• Ondoren, sartu mahuka batean, eta joan gnocchiak ateratzen ur eta izotz-puskez betetako ontzi batean.
• Utzi gnocchiei gorpuzten eta, behin gorpuztuta, atera uretatik. Gorde hozkailuan plaka busti baten gainean.

Ganba-olioarentzat:

• Salteatu ganbak olio pixka batekin eta gehitu gatza.
• Ondoren bota ekilore-olioa, laranja-azalak eta anis txinatarra, eta utzi tenperatura epelean dagoen plantxaren gainean, olioak bere aroma har dezan.
• Iragazi eta gorde geroko.

MUNTAIA

• Bota baratxuri zuri pixka bat plater sakon batera.
• Ipini erdian txangurru-haragia, eta horren inguruan mango-gnocchiak.
• Bota gainetik ganba-olio zurrustatxo bat eta apaindu apoperrexil-hosto batekin.
• Zerbitzatu pitxerrean soberan gelditu zaigun baratxuri zuriarekin batera.