Orburu eta otarrainxken entsalada epela barazkiekin

 Errezeta hau egiteko hurrengo elaborazioak beharrezkoak dira:

Ragout-arentzat:

• Egosi orburuak salda zurian, ingeles erara edo hutsean ontziratuta.
• Banatu azalore, brokoli eta romanescu loreak, eta egosi (banatuta) ingeles erara.
• Atera bolatxoak azenarioari eta egosi lurrunetan edo uretan.
• Zuritu tomateak, kendu haziak eta moztu dadotxoetan. Beste barazki batzuk erabili daitezke: lekak, cherry tomatetxoak, soja kimuak…
• Moztu berakatza eta perexila brunoisean.
• Zuritu otarrainxka gordinak, kendu hestea (apaintzeko isatsa utzi).
• Egin fumeta barazkiekin eta otarrainxken oskolekin. Egosi 10 minutu.

Barazki bouquetarentzat eta ozpin-olioa.

MUNTAIA

Ragout-a egiteko ondoko ordena jarraitu:

• Berotu olioa, gehitu otarrainxkak eta salteatu. Gehitu berakatza + ozpin tanta batzuk (aukeran) + irina + fumeta + goarnizioak (azalorea, brokolia, etab.). Jarri gatz puntuan.
• Egosi estalita minutu bat, apaindu perexilarekin, eta zerbitzatu.

Plateratzeko:

• Jarri ragout-a eta barazki-bouqueta plater sakon batean; salteatu eta apaindu.