Txerriki-txingarreztatua barazkiekin eta kuskusekin

Txerria txingarretan egiteko:

• Kendu solomo-burua carretik. Kendu hezurrak eta moztu. Jarri bridak. Ondu eta koipeztatu.
• Moztu ongailu-barazkiak paisanan (tipula, azenarioa eta baratxuria).
• Egin hondo zuria.
• Gorritu okel zatiak.
• Gehitu barazkiak erdi-sueztituta.
• Buzti ardoarekin eta hondoarekin, okel piezen bolumenaren erdiraino, eta sartu labean tenperatura jeitsiz. Beharrezkoa denean eman buelta eta buzti berriro.
• Utzi kuzinatzen okela samur-samur utzi arte eta okelak zuku gorria askatzeari utzi arte.
• Atera okel zatiak eta gorde.
• Egin saltsa bat sortu den zukua birrinduz (koipea kenduta),zukua bera  osatzen duten barazkiekin batera. Gehitu behar beste hondu zuri, jarri sutan eta loditu maizenarekin.
• Moztu okela xerretan fianbrea-ebakitzailean eta jarri xaflatan, saltsa bota eta berotu labean.

Garnizioetarako:

• Kuskusa.
• Brokolia:
  • Garbitu brokoli osoa ur hotzetan.
  • Moztu pieza adartxoak brokoliaren zurtoinetik banatuz, bata eta besteen  egozketa-denbora aldatzen baita.
  • Egosi adartxoak irakiten dagoen ur gatzatu ugaritan (ingeles erara) edo lurrun-labean 3-5 minutuz.
• Tomatetxoak:
  • Erdibitu Cherry tomateak.
  • Salteatu eta gehitu gatz apur bat.

PLATERATZEA

• Jarri txerri-xerrak abaniko eran, 4 edo 5 ano bakoitzeko, tamaina eta lodieraren arabera.
• Jarri kuskusa beste aldean eta erdian brokolia eta tomatetxoak.
• Jarri txerri gainean prestatutako saltsa (txingarreztatu eta gero lortutakoa)