Txerriki-txingarreztatua erremolatxa-purearekin

Egin Indioilar-izter txingarreztatuak:

• Prestatu saltsa-hondo zuria. 
• Txikitu paisanan hornigaitarako berdurak (tipula, azenarioa, baratxuria) 
• Garbitu txerriki-karrea, eta erabili burualdea, bota gatza, eta koipeztatu. 
• Gorritu haragi-zatiak zartagin batean, jarri labeko plaka batean, bota berdurak zartaginean, berreskuratu haragiaren zukuak, eta bota dena haragiaren gainera.
• Busti ardoarekin eta saltsa-hondoarekin. Sartu labean, eman buelta, eta busti beharrezkoa denean. Utzi egiten haragia ondo samurtu arte, eta barrutik zuku gorriztarik ateratzen ez den arte.
• Atera haragi-piezak eta gorde geroko.
• Saltsa prestatzeko, txikitu lortu dugun zukua berdurekin, gehitu behar adina saltsa-hondo, jarri sutan, eta loditu maizenarekin.

Egin erremolatxa-pure egosiak:

• Xehatu tipula julianan, baratxuria, erremolatxa eta tomatea dado handitan.
• Sueztitu tipula eta baratxuria, gehitu tomatea, eta gero, erremolatxa. Gehitu ozpina, utzi urritzen, busti saltsa-hondo zuriarekin, eta utzi egosten gutxienez 30 minutu.
• Txikitu purea, pasa txinatar iragazkitik, altxarazi, eta gehitu urritutako esne-gaina.

MUNTAIA

• Xerratu haragia ebakitzeko makinan, jarri plaketan, bota gainetik saltsa, eta berotu labean. 
• Lagundu erremolatxa-purearekin.