Oilasko txingarreztatua jardinera erara

Errezeta hau egiteko hurrengo elaborazioak beharrezkoak dira:

• Egin hegaztien hondo bat.

Jardinera hornidurarentzat:

• Azenarioa zuritu eta dadotan moztu.
• Lekak garbitu eta erronbotan moztu. Egosi ingeles erara.
• Barrengorriak laurdenetan moztu. Salteatu.
• Baratxuria moztu xerratan, tipula paisanan, azenarioa ilargi-erdi finetan eta udare-tomatea zati txikitan, ongailu barazkitarako.
• Sueztitu ongailutarako barazkiak.
• Bota gatza eta piperbeltzuria oilaskoari, eta gorritu labe bero-beroan 200 ºC, bularkiak gora begira dituela.
• Gorrituta dagoenean nahasi sueztitutako barazkiekin, eta gehitu ardo zuria eta saltsa-hondoa, baina estali gabe. Eman buelta oilaskoari,labearen tenperatura jaitsi 180 ºC eta sartu berriro , eginda geratu arte.
• Atera, hoztu eta anoatu lau zatitan.

Saltsa egiteko:

• Pasatu barazkiak txinatar iragazkitik eta bota marmita ertain batean.
• Barazkien gainetik, gehitu irina (40g/l), utzi sutan egiten eta bota zukua koipea kenduta, eta behar den hehazti-hondoa gehitu.
• Utzi irakiten, pasatu irabiagailutik eta txinatar iragazkitik eta, jarri gatz-puntuan.
• Bota saltsa eta berotu dena.
• Hornigaia prestatzeko jarri barazkiak labeko plaka batean, gehitu margarina-dado batzuk eta sartu labean ondo berotu arte.
• Atera labetik, eta bota gainetik patata frijituak.

MUNTAIA

• Plateratu plater lau baten, oilaskoa saltseatu txingarreztatzeko saltsarekin eta barazkiak ondoan jarri.