Kremazko xigorkiak

Errezeta hau egiteko hurrengo elaborazioak beharrezkoak dira:

• Pastel krema
• Txokolatezko krema ingelesa

MUNTAIA

• Gorde geroko esnearen hamarretik bat. Jarri gainerako esnea irakiten kanela-txotxarekin aromatiza dadin.
• Beste alde batetik, aparailua prestatzeko, nahasi azukrea eta maizena (atal solidoa).
• Gehitu arrautzak, azukrea eta maizena; azkenik, aurretik gorde dugun esnea. Pasa txinatar iragazkitik pikorrik ez uzteko.
• Esneak irakin duenean gehitu aparailua.
• Ondo eragin hagaxkarekin kazoaren hondoari ez itsasteko. Utzi irakiten minutu batzuetan loditu arte.
• Bota koipeztatutako plaka baten gainean, estali orearen gainaldea film-paperarekin, gainaldea gogor ez dadin.
• Hoztu eta gero, zatitu zentimetro bat lodiko 10 x 10 cm-ko xerratan.
• Pasatu arrautza-irinetan, eta frijitu olio bero ugaritan (200 ºC-tan).
• Atera, eta jarri saretxo batean, edo paper xurgatzailearen gainean, koipea bota dezan.
• Zerbitzatu 2 zati anoa bakoitzeko: apaindu lustre-azukrearekin eta kanela ehoarekin egindako nahastura batekin.
• Lagundu txokolatezko krema ingelesa batekin.