Txahalki errea patata risolatuekin eta entsladarekin

• Garbitu biribilki atalak gainaldeko gantzak kenduaz eta ordu bi aurretik hotzgailutik kanpo eduki okela girotzeko. Gatza eta piperhauts zuria bota, koipeztatu eta sartagin batean gorritu kanpoalde guztia, barrutik gordin geratu behar da.
• Hotzitzen utzi, hutsean ontziratu atalak banan banan ondo ilun apur batekin (0,1litro), ardo zuri erreduzituarekin (10/1) eta gatzeztatutako antxoekin (4) gehienezko hutsuneagaz. (minutu 1)
• Labe mistoan lurrun funtzioan 100% hezetasunagaz egosi 65 ºC ordu bat. Labatik kanpo epeltzen utzi 15 bat minutuz eta abatidorean hotzitu 10 ºC azpitik ordu 2 baino lehen. Hotzgailuan gorde 0 ºC eta 3 ºC bitartean.
• Patata risolatua egiteko, patatak zuritu, zentimetro bateko laukietan moztu eta hutsean ontziratu ondo lausotuta (minutu bateko gehienezko hutsunea) oliba olio, gatz, piperhauts zuri eta zuritu bako baratxuri agin batekin.
• Labe mistoan lurrun funtzioan 100% hezetasunagaz egosi 100 ºC ordu bat. Abatidorean hotzitu 8 ºC azpitik ordu 2 baino lehen. Hotzgailuan gorde 0 ºC eta 3 ºC bitartean.

BIRBEROTZEA

• Biribilkia 4 bat milimetroko xerretan moztu okelak mozteko makinarekin. xerrak plakayan banatu solapaturik eta plaka guztietan anoa kopuruberdina ipini.
• Poltsako zukuekin gehi hondo iluna (dezilitro bat anoako) irakin, arto irinagaz ligatu eta azkenik zapore, kolore eta sendotasun puntuan ipini. Hau biribilkiaren saltsa edo zuku ligatua izango da.
• Okela birberotzeko, plakak labean sartu 220 ºCtara tapa gabe bi minutuan okela apur bat epeldu arte baina gorri puntu hori galdu gabe, atera eta gainetik gatz lodi apur bat eta zuku ligatu beroa gehitu jarraian platereratzeko.
• Patata birberotzeko, poltsatik atera eta frijigailuan frijitu 180 ºC tara gorri eta kirriskatsu gelditu arte gatzeztatu eta okelarekin platereratu.
• Entsaladarako 4.ataleko uraza orriak erabiliko ditugu eta okelarekin batera ipiniko dogu tipula julianarekin eta oliozpinagaz onduta. Hau azkena platereratuko dogu.