Hegaluze xaflak olio errearekin

Hegaluzerako:

• Hegaluzeari xaflak atara.
• Baratxuri eta piperminez olio errea egin, iragazi, epeldu eta biberoi batean sartu.
• Hegaluzeari  olioerreaz olioztatu.
• Parrillan su bizian erre, lehenik, haragiaren aldetik zigilatu eta bukatu larruazalaren aldetik.

Pikilo olioerrearentzako:

• Baratxuria eta pikilo piperra brunoise eran xehatu eta ozpindutako piparra uztai finetan ebaki.
• Baratxuria eta oliba olio arinaz olioerre bat egin, berakatzak erre gabe.
• Pikilo piperra erantsi eta azkenik piparra ebakia. 

 Hornidurarako:

• Okin-patata egin. Patata eta tipula eginda daudenean, xukatu ongi gantza, gazitu eta jarri plaka batean, geruzatan, patatarekin hasi eta tipularekin bukatu. Busti ardo zuri pixka batekin eta eman labe-kolpe bat trinkotzeko. Erreserbatu.

 Apaingarrirako perrexil hautsa egin.

MUNTAIA

• Plateraren alde batean okin-patata jarri.
• Jarri hegaluze xaflak gainean, eta utzi agerian okin-patata pixka bat.
• Gehitu pikillo baratxuri frijitua.
• Azkenik, hautseztatu perrexil hautsarekin.