Fideuá, txipiroi, muskuilu eta gambekin

• Loditu gabeko amerikar saltsa bat egin, baratxuria, tipula, azenarioa, porrua eta azkenik tomatea, orden honetan sueztituaz.
• Gamben edo otarrainska txikien buruak salteatu eta gorritu, brandiarekin flameatu eta barazkiei gehitu. Beratutako piper txorizeroak edo ñorak ere bota eta guztia kozinatu 15 bat minutuz.
• Busti fumetagaz irakin 30 bat minutuz turmixetik pasatu eta iragazi.
• Baratxuri krema bat egin, horretarako baratxuriak zuritu eta kimua kendu ondoren ur irakitan beratu. Ondoren oliba oliotan konfitatu eta azkenik baratxuria oliotik atara eta esnegainetan egosi ondo bigunduta gelditu arte. Behin egosita baratxuria esnegainarekin turmixetik pasatu eta oliba olioarekin emultsionatu. Gatz puntuan ipini. Zapore leuna izan behar du.
• Paella edo rondoi baten salteatu txipiroi aroak, gero zuritutako gambak gehitu eta azkenik muskuiluak. Fideoak bota, salteatu guztia pare bat minutuz eta amerikarrarekin busti berehala irakinez. 6 bat minutuz kozinatu fideoa gogor xamar utziaz.
• Azkenik baratxuri krema nahi bestean nahastu (ez da zertan dena bota behar) eta dena gatz puntuan ipini.
• Fideua oraindik bero dagoela (65º edo gehiago) barketetan banatu eta abatidorean hotzitu 8 ºC azpitik 2 ordu baino lehen.
• Bein hotz dagoela, termosigilatu eta hotzgailuan gorde 0ºC eta 3ºC bitartean.

BIRBEROTZEA

• Kontsumitzeko produktuaren barne tenperatura gitxienik 65 ºC-tara heldu behar da.
• Barketa berberean berotu lurrunezko labean hezetasuna 100%-ekoa 93 ºC tan 30 minutuz.
• Banakako barketetan egin izanez gero mikrouhin labean egin daiteke 5 minutu potentziarik altuenean.
• Birberotzeko beste modu bat izan daiteke produktua barketatik atera eta sauté batetan sutan berotzea.