Untxi errea patata risolatu eta belar usaintsuen ali-oli saltzarekin

• Hondo-zuria prestatu.
• Untxiak moztu laurdenak eginez. Aurreko bi eta atxeko beste bi.
• Prestatu untxia ontzeko adoboa, baratxuriarekin, piperauts beltza, olio oliba eta belar usaitsu lehor, (ezkaia, erromeroa etab.) Nahasketa honekin untxia ondu.
• Hutsean ontziratu patata biribilduak ondo zabalduta eta baratxuri ale poltsa bakoitzeko, gatza piperauts eta oilio oliba sendoaren  tanta batzuekin. Egosi ontziratutako patatak lurrunean, 90ºC-tan 45'-z. Utzi pausatzen.
• Poltsetan dauden baratxuri aleekin eta arrautz gorringo pasteurizatuarekin ali-oli saltsa egingo dugu, olibo olioa eta ekilore olioarekin emultsionatuz. Atondu gatza eta usain belarrekin.
• Erre untxia aurretik berotutako labean 160 º-tan, gorrituta dagoenean busti ardo zuri apur batekin eta hondoarekin, buelta eman eta utzi erretzen eginda egon arte, okela hezurretatik azkatzen denean.
• Garrantzitsua da laberaldi bitartean erretilua ez erretzea, gehitu hondo beharrezkoa den bakoitzean.

Saltsa prestatzeko:

• Koipea kendu,  erretzearen ondarrak desglasatu ardo zuria eta hondoarekin. Luzatu behar beste eta ligatu maizena, xantana edo beste loditzaile batekin.

MUNTAIA

• Berotu patatak olibo-olio sendoarekin labean,  gorritu arte.
• Plateratu untxi laurden bat, saltsa gainetik bota eta alboan jarri patata biribilduak eta ali-oli saltsa.
• Bota saltsa eta apaindu romero frekoarekin.