Carrot cake gaztarekin

Bizkotxoa prestatzeko:

• Labea 180 ºC-ra berotu.
• 20 cm inguruko diametroa duen molde baten hondoa koipeztatu eta paperez estali.
• Azenarioak garbitu, zuritu eta oso fin txikitu. Gorde.
• Ondoren, osagai lehor guztiak nahasi espatula baten laguntzaz: irina, kanela hautsa, intxaur muskatua, jengibre hautsa, bikarbonatoa eta legamia hautsa. Gorde.
• Arrautzak bi azukre motekin nahasi. Irabiatu abiadura ertainean, olioa pixkanaka gehituz, nahasketa argitu arte.
• Ondoren, gehitu banilla-estraktua, ura eta birrindutako azenarioak, eta irabiatu abiadura ertainean masa homogeneoa lortu arte.
• Osagai lehorren nahasketa iragazi.
• Azkenik, gehitu eta ondo nahasi osagai lehor guztiak. Dena ondo integratuta dagoenean, gehitu txikitutako intxaurrak eta espatularen laguntzaz nahasi.
• Labean sartu 180 ºC-tan, gutxi gorabehera 40 minutuz.
• Denbora hori igarota, atera bizkotxoa labetik eta utzi moldean 10 minutuz atseden hartzen. Ondoren, atera moldetik eta utzi guztiz hozten sare baten gainean.
• Labana hortzdun baten laguntzaz, bizkotxoaren goiko aldea berdindu azalera laua gera dadin; soberan geratzen den zatia gorde geroago erabiltzeko. Ondoren, moztu bizkotxoa hiru disko lodiera berekoetan.

Muntaketa:

• Jarri bizkotxoaren geruza bat plater edo erretilu baten gainean eta, gozogintza-poltsa baten laguntzaz, estali gainazala gazta-frostingarekin.
• Ondoren, jarri bigarren geruza gainean eta bete.
• Jarri hirugarren geruza eta espatula baten laguntzaz estali tarta gainetik, frosting-geruza berdinduz. Ondoren, apaindu gustura gozogintza-poltsa eta punta zimurtu baten laguntzaz, edo frosting-botontxo kontzentrikoekin.
• Aukeran, lehenago kendutako bizkotxo zatia birrindu eta gainetik bota, eta apaindu intxaur osoekin.