Red velvet tarta

Bizkotxoa prestatzeko:

• Berotu labea 180 °C-ra.
• Gresatu eta jarri papera 20 cm-ko diametroko moldearen oinarrian.
• Bol batean, nahastu esnea eta limoi-zukua; utzi minutu batzuez pausatzen.
• Beste ontzi batean, arrautzak eta azukrea nahastu. Nahastu abiadura ertainean, olioa pixkanaka gehituz, nahasketa argitu eta krematsu bihurtu arte.
• Beste ontzi batean, nahastu irina eta kakao hautsa koilara baten laguntzaz.
• Ondoren, irina eta kakaoa iragazita gehitu aurreko nahasketari, esne eta limoi nahasketarekin txandakatuz, eta irabiatu abiadura ertainean guztia bateratu arte.
• Jarraian, nahastu bikarbonatoa eta ozpina; burbuilak sortzen direnean, gehitu bizkotxoaren nahasketari.
• Azkenik, gehitu koloratzaile gorria eta banilla-estraktua, eta irabiatu ondo nahasketa uniformea lortu arte.
• Bota nahasketa moldera.
• Labean sartu 180 °C-tan 45 minutuz gutxi gorabehera.
• Denbora hori igarota, atera bizkotxoa labetik eta utzi 10 minutuz molde barruan pausatzen. Ondoren, atera moldea eta utzi guztiz hozten.
• Behin hotza dagoenean, zerra-labana baten laguntzaz moztu goiko aldea berdintzeko, eta gorde soberakina gero erabiltzeko.
• Moztu bizkotxoa hiru geruzatan, lodiera berekoetan.

Muntaia:

• Jarri bizkotxoaren lehen geruza plater edo erretilu batean eta, manga pastelera baten laguntzaz, estali gainazala gazta-frosting-arekin.
• Ondoren, jarri bigarren geruza gainean eta bete berriro.
• Jarri hirugarren geruza eta apaindu frosting-eko botoi zirkular txikiekin.
• Azkenik, birrindu aurrez gordetako bizkotxo zatia gainetik eta apaindu baia gorriekin, gustura.