Hegaluzea arranparrilan bertoko piperrekin

Hegaluzerako:

• Hegaluzearen trontzoak atera eta erreserbatu.

Hornidurarako:

• Tipula juliana erara fin-fina xehetu eta konfitatu  zartagin baten pittin baten olio, gatza eta piper hautsarekin. Gorde .
• Bertoko piper berdeak frijitu zerbitzuan pasarekin.

Olio errerako:

• Berakatza xafletan xehetu eta pipermina uztaietan.
• Sauté baten oliba olioa jarri, berakatza xafletan gehitu eta su motelean ipini berakatza kolore aldatu arte. Sutondoan epeldu pittin baten eta pipermina uztaietan moztuta, ozpina eta perrexila gehitu.

Apaingarrirako:

• Tipulin-olio bat prestatu; Horrertarako tipulina birrindu egingo da ekilore oliotan likido homogeneo bat lortu arte.
• Estebete-trenkatzailean ahalik eta finuen moztu tipula uztaietan. Irinarekin babestu  uztaiak eta su motelean frijitu  uztaiak kurruskari geratu arte.

MUNTAIA ETA ZERBITZUA

• Arranparrilan arrain trontzoak erre , kontu handiz apurtu ez daitezen. Azpil batera atera trontzoak.
• Piperrak frijitu.
• Geneukan olio errea hegaluzearen trontzoen gainean jarri azpilean. Azpila mugitu olio errea eta hegaluzearen zukuak nahastu eta lirginda daitezen.  Atera den saltsarekin bustitu  hegaluzearen trontzoak..
• Plateratzeko konfitatutako tipula jarri etzauntza modura. Hegaluzearen trontzoak tipularen gainean jarri.
• Piper berdeak alboan jarri hornidura gisa.
• Apaingarri gisa hari bat tipulin olio eta tipula kurruskaria jarri.