Ketuak

• Kendu hezurrak arrainari eta utzi solomoak guztiz garbi.
• Ontzi aldagaitz baten hondoan ipini geruza bat gatz larri.
• Gatzaren gainean, jarri arrainaren solomoa, azala beherantz, eta estali beste gatz larri geruza batekin. Hozkailuan gorde.
• Gazitzearen epea gaindituta, atera arraina gatzetik eta astindu itsatsita izan dezakeen gatza kentzeko. Gatz arrastoak ezabatzeko komeni da ur-izotzetan sartzea segundo batzuetan. Sikatu berehala, eta utzi bilduta  eskutrapu lehorretan  edo sukaldeko paperean 12 eta 24 ordu artean.
• Sartu ketzeko tiraderan arrain-solomoak eta ketzen utzi arrainaren goiko aldea kolore horixka izan arte. Arrain zati handiak ketzeko prozesua ordu 1 eta ordu eta erdi artekoa izaten da.
• Hotzean 20 bat egunez mantentzen dira. Hutsean ere ontziratu ditzakegu edo ekilore olioz estali.

Oharrak:

• Gazitze denbora arrainaren tamainaren eta duen gantz portzentajearen araberakoa izaten da.
• Adibidez: Kg bateko izokin-solomo batentzat, komeni da 4 ordutik 5 ordura gatz larritan estalita edukitzea.