Bakailao freskoa

Buru eta aho handiko arraina da. Goiko mandibula kanporantza du, hortz txiki baina indartsuak eta bizarra. Begi txikiak. Gorpuzkera liraina du, eta isats-erro oso estua. Ezkatak txikiak ditu eta alboko lerro oso azpimarratua. Bizilekuaren arabera kolorea aldatu egiten da, gris-horixkatik hasi eta berde edo gorri-arrerarte, baina beti dira ozelatuak.

Arrain orojalea da, eta 3 eta 15 kg bitarteko pisua eta 40 eta 100 zm bitarteko neurria ditu; 150 zm eta 40 kg-ko piezak ere topa daitezke. 25 urtez bizi daitezke. Animali demersala da, eta geroz eta gehiago hazi, hondorago bizi ohi da.

Ezin dute 14 gradutik gorako tenperaturan bizi, eta euren habitatik egokiena 0 eta 8 gradu bitartekoa da. Hemisferio borealaren iparraldean bizi da beti, Islandian, Europa Iparraldean eta Terranovan (azken honetan asko bizi ohi dira, Mexikoko Golkoko korronte beroa eta Labradorko korronte hotza bertan elkartzen baitira. Tenperatura aldaketarekin, arrastaka datozen arrain asko hil egiten dira korrontearen ondorioz, eta itsasoan hondoratzen direnez, bakailaoentzat elikagai erraz eta oparoa da.) Arrautzak otsaila eta urria bitartean jartzen dituzte, eta bi migrazio mota egiten dituzte: bat kostaldera arrautzak uzteko, eta beste bat elikagai bila. Arrain zuria da eta ur gezakoa.

Garaiaren eta neurriaren arabera, arrain erdikoipetsutzat ere har genezake.

Osorik, zatika, freskoa, izoztua eta ketua saltzen da.