Denboraldiko hilabeteak: Apirila, Maiatza, Ekaina, Uztaila, Abuztua, Iraila, Urria

Zerba Kenopodiazeoen familiako eta Beta vulgaris espezieko barazkia da.

Hostoak dira nagusiki barazki honen atal jangarria. Bihotzaren antzeko forma obala dute, eta zurtoinaren erdialdetik nerbio nabarmenak ateratzen zaizkie. Kolore uniformea dute, eta, barietatearen arabera, berde-gamaren kolore bat edo bestea izango dute.

Zerben orri-mamiak luzeak, zabalak eta mamitsuak dira, eta zuriak, horixkak edo gorriak izan daitezke.

Zerbek ur kantitate handia dutenez, karbohidrato, proteina eta gantz gutxi dituzte. Hau da, balio energetiko gutxiko elikagaia da; ondorioz, gomendagarria da argaltzeko dietak egiten dituztenentzat. Horrez gain, aberatsa da nutriente erregulatzaileetan , hala nola: zuntzean, gatz mineraletan eta bitaminetan.

Zerbak erosteko garairik onena negua da; izan ere, neguan hostoek tonurik ilunena izatera heltzen dira eta momentu horretan izaten dute propietate nutritibo gehien.

Era askotan presta daitezke: zoparekin, entsaladarekin, berakatzarekin su eztian frijituta, bexamelarekin beteta, irin-arrautzeztatuta, gisatuarekin, eltzekariarekin edo arrain eta okelaren osagarri gisa.

Hostoak orri-mamiak baino gutxiago egosi behar dira; beraz, banandurik eta denbora desberdinetan egosi beharko lirateke.

Nutrizio-informazioa (0.1 kg)
Zuntza 0.8 g
Gantz azido aseak 0.03 g
Gantz azido monoasegabeak 0.04 g
Gantz azido poliasegabeak 0.07 g
Kolesterola 0.0 mg
Kaltzioa 80.0 mg
Burdina 2.3 mg
Zinka 0.02 mg
A bitamina 168.4 ug
C bitamina 18.4 g
Azido folikoa 183.0 ug
Gatza (Sodioa) 170.0 mg
Azukreak 0.93 g
Datuek orientatzeko balio dute eta ez dira osasun-helburuekin erabili behar.Webgunearen arduradunek ez dute inolako erantzukizunik onartzen.