Boilur beltz freskoa

70 bat boilur-espezie daude eta horietatik 32 bat Europan dauzkagu, baina batez ere bi dira jendeak gehien bilatzen dituenak. Périgord-eko beltza, boilurren erregea, Brillat-Savarin-ek "sukaldeko diamante beltza" deitzen zaiona.

Bere izen zientifikoa Tuber melanosporum da. Usain sendo eta fina du, mami zuria hasieran, gero gris-marroia, eta azkenik beltz-morea, zain zuriekin, heldutasun osora iristen denean. Hau da erabateko eta neguko boilurra, janarietan aristokrata.

Boilur zuria (Tuber magnatum), Piemonte-ko boilur famatua, halako urrutiko baratxuri-zapore bat duena, oso ñabartua, eta gris-perla kolorekoa. Batik bat gordinik jaten da, xerra fin-fin ia gardenetan ebakita, eta Piemonte-ko sukaldaritzako hainbat plater prestatzen dira berarekin: esate baterako Langhe-ko fondue krematsu eta trinkoa, tailarinak edo "risotto tartufato" usaintsu eta paregabea. Gastronomia aldetik begiratuta, Italiako boilur zuria Périgord-eko beltzak baino ospe handiagoa du.