Abakandoa

Otarraina baino meheagoa da, bi hagin handi ditu eta hura baino ilunagoa da normalean.

Inoiz edo behin harrapatu izan dira 75 cm eta 4 kg-tik gorako piezak ere. Tenperatura-baldintza estu samarrekoa da: 5-22 gradu artean bizi badaiteke ere, ez da ugaltzen 15 gradutik behera. Horregatik, hain zuzen, haztegietan-eta tenperatura jaitsi egiten zaie, borrokan egin ez dezaten.

Itsas hondo harritsuetan bizi ohi dira, 2-40 metroko sakoneran.

Moluskuez eta hildako arrainez elikatzen da, eta bere espeziekoez ere bai; horregatik lotzen dizkiote, hain zuzen, bi haginak haztegietan.

Normalean bizirik saltzen dira baina izoztuta eta egosiak ere topa ditzakegu. Normalean otarrainak bezala kozinatzen dira. Krustazeo makruro ibiltaria da.