Kiwia

Actinidia deliciosa (kiwi deiturikoa) Txinako eremu handi batetik datorkigun landare igokaria da, eta batez ere Yangtsé ibaiaren haraneko basoetan aurki daiteke. Zeelanda Berrira garraiatu zen 1904an, eta, harrez geroztik, herrialde epel askotan landatu da haren fruitu jangarria lortzeko.

Zeelanda Berrian eman zitzaion «kiwi» izena, fruituak izen bereko hegaztiarekin duen antzekotasuna dela eta.

Fruitua baia obal bat da, 6,25cm luze ditu, azala fina eta berde ilun kolorekoa da, eta iletxo sendo, labur eta marroiez estalita dago. Mamia gogorra izan ohi da guztiz heldua dagoen arte, kolore berde distiratsua du, eta hazi txiki-txiki eta beltzek inguratzen dute fruituaren bihotz zurixka. Zapore nahiko garratza du, andere-mahatsaren edo marrubiaren antzerakoa.

Alergeno arrunta izan ohi da, azalarengatik batez ere.