Sagar eta banana-krema testuratan prestatutako kalabazarekin.

Banana eta sagar-kremarako:

• Zuritu banana, moztu 1 zm-ko xerratan.
• Garbitu, bihotzgabetu eta zuritu sagarra.
• Moztu sagarra zortzirenetan.
• Egosi zatitutako fruta su motelean soja-edariarekin, kazola estalita, 15 minutu inguru.
• Egosi eta gero gehitu banilla-esentzia eta xantano goma.
• Birrindu nahastea pikorrik gabeko testura krematsua lortu arte. Pasatu iragazki finetik eta gorde pastelgintzako mahuka batean ahokorik gabe.
• Hedatu banana eta sagar-krema katiluan (150 g), berdindu azalera eta tenperatura jeitsi.

Kalabaza- bolak egiteko:

• Berotu labean 170ºC-tan.
• Zuritu kalabaza, garbitu eta atera bolak puxka-kentzailearekin. Gorde bolak.
• Galdarraztatu kalabaza-bolak, atera eta sartu ur hotzetan izotzarekin. Xukatu eta gorde.
• Urtu margarina mikrouhin-labean eta gehitu eztia. Nahastu eta gorde.
• Sartu kalabaza-bolak aurreko nahastean ondo blaitu arte. Atera bolak, xukatu eta hedatu paper sulfurizatuz estalitako labe-plaka batean.
• Labekatu kalabaza bolak 10 minutuz 170ºC-tan. Egiaztatu barrualdea eginda dagoela eta gorde.

Kalabaza-krema egiteko:

• Moztu dadotan gainontzeko kalabaza.
• Egosi kalabaza-bolak urtean, su motelean, kanela-zotzarekin. Jarraitu kalabaza egosita egon arte (egiaztatzeko zulatu dadoak)
• Kendu kanela eta birrindu kalabaza egosketako uraren parte batekin eta xantano gomaren bigarren zatiarekin.
• Iragazi prestakina iragazki finetik.

PLATERATZEA

• Jarri aromatizatutako kalabaza-krema (30g) bol batean iragazki dosifikatzaile baten laguntzaz. berdindu eta tenperatura jeitsi.
• Lodiera egokia duenean, jareri gainean banana eta sagar-krema (150g).
• Berdindu eta tenperatura jeitsi.
• Apaintzeko jarri glasatutako kalabaza-bolak  gainazalean.