Antxoa gazituak

Antxoak gatzunetan:

Antxoak gatzunez -ur eta gatz disoluzio batez- estaltzen dira soil-soilik, uraren arabera % 10etik % 22rako gatz-proportzioa erabilita. Ondoren, beirazko ontzietan sartzen dira eta behar diren heinean garbitu eta momentuan bertan prestatzen dira.

Antxoa gazituak:

Lehenbizi, garbitu egiten dira burua eta erraiak kenduz eta tamainaren arabera banatzen dira. Ondoren, geruza desberdinak egiten dira, gatz-geruzak eta antxoa-geruzak txandakatuz eta koroak osatuz, ontzia (normalean plastikozkoa) osorik bete arte. Azken geruza gatzez osatutakoa izan behar da.

Gutxienez hiru hilabetean egoten dira horrela; hala ere, normalean heltze-aroa sei eta zortzi hilabete artekoa izaten da.

Bitarte horretan ura eta koipea galtzen dute eta pixkanaka gatza nahiz antxoek berezkoa duten kolore, usain eta zaporea lortzen dute. Prozesuak irauten duen bitartean tenperatura kontrolatu behar izaten da; beti baxu mantendu behar da, antxoen haragia hondatu ez dadin. Horrelakoetan, lozorroan daudela esaten da. Gatz kopurua zaintzea ere oso garrantzitsua da, zenbat eta gatz gehiago izan orduan eta okerrago kontserbatzen direlako.