Kuia-pipitak

Kuiak hazi batzuk ditu barruan. Hazi horiek onura eta propietate interesgarriak ematen dizkiote gure gorputzari eta baita gastronomiari berari ere.

Hazi horiek edo pipitok pepitoria-hazi izenez ere ezagutzen dira munduko hainbat tokitan, eta merkatuan oso erraz topa ditzakegu.

Zapore leuna dute, gozoa sarritan, eta testura oso atsegina murtxikatzen ditugunean.

Kuia-pipita txigortuak snack edo janaurreko gisa kontsumitzen dira, baina onuragarriagoak dira osasunarentzat gordinik janez gero.

Kultura askotako sukaldaritzan asko erabiltzen dira haziok. Zopei, entsaladei, saltsei, ozpin-olioei eta ongailuei gehitzen zaizkie; eta ogiak, gailetak, bizkotxoak eta gozokiak egiteko ere erabili ohi dira.