Barazki arrautzeztau panachea barrengorri kremakin

Errezeta honetarako, honako elaborazio hauek egin behar dira:

   Barrengorri krema egiteko:

• Barazki-hondoa hautsekin prestatu.
• Tipula sueztitu.
• Barrengorriak erantsi eta egosten utzi tipularekin.
• Irin ahularekin loditu, 40 g eta 50 g litroko.
• Hondoarekin busti, ondo desegin, eta egosten utzi.
• Azkenik, txikitu, iragazkitik pasa eta  loditasuna eta gatza ondu.

• Zerbei hariak kendu, eta  orrimamiak eta zati berdeak bereizi.
• Orburuak  eta zerbaren orrimamiak egosi, lurrunean edo  ingeles erara.
• Orrimamiak 4 x 3 cm-ko errektangelutan zatitu.
• Alberjiniak  eta kuiatxoa 2 mm-ko errodajatan ebaki, eta erretiluetan jarri. Gainetik gatz larri pixka bat bota(oso gutxi, bestela kendu egin beharko baita) hezetasuna kentzeko.
• Arrautza-irinetan pasatu eta orburuak eta zerbaren orrimamia frijitu, bakoitza bere aldetik. Kontuz ibili frijitzerakoan gehiegi gorritu ez daitezen.
• Kuiatxoak eta alberjiniak plantxan erre. 

ONTZIRATZEA

• Jarri 1/6ko ontzi konpostagarrian 100 g txanpinoi-krema. Gainean  barazkiak jarri modu harmoniatsuan, ontzi bakoitzean 300 g bete arte. Azenarioa brunoise eran gehitu eta termosellatu.
• Gorde hozte-tenperaturan.

BEROTZEA

• Ontzi berean, % 100eko hezetasuna duen lurrun-labean birsortu.
• Banakako errazioen kasuan, mikrouhin-labean ere birsortu daitezke, 3 minutuz potentzia maximoan.
• Birsortzeko beste modu bat produktua ontzitik ateratzea eta lapikoan berotzea da.