Enoki perretxikoak

Perretxiko zuri eta luzanga  bat da, Txinako, Japoniako eta Koreako gastronomian oso erabilia.

Flammulina familiakoak dira perretxiko hauek. Kolore, testura eta lodiera desberdina duten aldaera basatiak ere baditu, eta gaztelaniaz «setas de invierno», «pie de terciopelo» o «tallo de terciopelo» deitzen zaie.

Perretxiko hau fresko edo ontziratuta eros daiteke. Zopak prestatzeko erabili ohi da, baina entsaladetan eta beste plateretan ere aurki daiteke.

Testura kurruskaria dute, eta hozkailuan kontserba daitezke astebetez gehienez. Adituek enokiak freskoak izatea eta txapela tinko, zuri eta distiratsua edukitzea gomendatzen dute. Zurtoina mukosoa edo marroia dutenak baztertzea gomendatzen da.