Krabarroka

Scorpaena scrofa (krabarroka edo itsas kabra izenez ere ezaguna) scorpaenidae familiako arraina da, kolore gorrikoa eta ezkataduna.

3 kg-ko pisua izatera irits daitezke, baina 1,5 kg eta 2 kg bitarteko pisukoak ez dira erraz aurkitzen. 10 m eta 500 m bitarteko sakoneran bizi ohi dira, baina ur gutxiko tokietan ere topa genitzake, hondarrean erdi lurperatuta.

Oso arrain preziatua da sukaldaritzan, kalitate handikoa. Katalunian patatekin egosten dute «suquet de peix» izenez ezagutzen den errezetan. Krabarroka pastela ere oso ezaguna da, eta arrain-zopa egiteko ere asko erabiltzen da.

Krabarrokaren hezurrek pozoia dute, eta ez diote pozoitsuak izateari uzten kozinatu arte. Beraz, manipulatzerakoan kontu handiz ibili behar da.
Arrain erdi-koipetsua da, ur gazikoa. Garaiaren eta tamainaren arabera, arrain zuria ere izan daiteke.

Normalean osorik saltzen da, freskoan eta izoztuta.